ভালপাও৺ বুলি ক'লেই প্ৰেমৰ ঠিকনা পোৱা হ'লে

ভালপাও৺ বুলি ক'লেই প্ৰেমৰ ঠিকনা
পোৱা হ'লে
এপাহ গোলাপৰ মূল্য কিহৰ ?
যাৰ বাবে দীৰ্ঘ ৰাতিবোৰ হৈ পৰে
ক্ষন্তেকীয়া
এজাক বৰষুণৰ বাবেই ফুলি উঠে
ৰজনীগন্ধা
প্ৰেমৰ কবিতা , প্ৰেমৰ স্তৱক
আৰু কিছু ট্ৰেজেডী এণ্ড জীৱন ডট কম ।
আপুনিৰ পৰা তুমি , তুমিৰ পাছত তই
তইৰ পাছত ...... বাঃ কি মজা
কি যে এজাক প্ৰেমৰ উৰণীয়া হা৺হ
যাৰ পাখিত লাগি থাকে বনৰীয়া সুগন্ধি
সি৺হতৰ হাবিয়লি মাততেই সাৰ পোৱা
জননী
এটি এটি কবিতাৰ ছন্দৰ লহৰত
ক৺পা দুটি ও৺ঠ আৰু কিছু ডট ডট ডট ।
ভবা দৰেই যদি কথা বোৰ হ'লহেতেন
সপোনবোৰ দিঠক , দিঠকবোৰ লাগিব
সপোন
বাঃ কি মজা হ'লহেতেন
তই হা৺হিলেই
সোণমনি দাৰ দোকানত ৰূপালী মাছৰ
উজান উঠে
তোৰ বাবেইটো এৰি দিব খোজো
ভালপোৱা পালতৰা নাও৺
লাগিবওতো পাৰে তোৰ হৃদয় বন্দৰত
সংগোপনে ।
চকুলোৰে জীৱনক সজাব খোজা এটি
ব'ৰাগী দুপৰীয়াক
আশ্ৰয় দিয়া প্ৰয়োজন কিহৰ ?
দলিয়াই দে ..... দলিয়াই দে অ' তই
বুকুত ঘৰ বন্ধা তৰাং নদীৰ বিষাদ -
বিষণ্ণতা
তোৰ বাবে গোটেই নবোদয়খনে বজাব
পাৰে
সুৰীয়া প্ৰেমৰ তানপুৰা ।
সদায় ৰবিবাৰৰ প্ৰেমিক আবেলিবোৰ
মাখি মাৰি মাৰি কিমান পাৰ কৰিম
ফাগুন আহিছে
তাৰ তালতেই তাল ৰাখি সৰাপাত সৰিছে
এই সৰাপাতৰ বুকুৱেদিয়েই বোলে বসন্ত
আহে
ক'ত সেয়া বসন্ত ?
যাৰ খোজতেই খোজ ৰাখি
কত বসন্ত বাগৰিল
কিন্তু , এই ব'ৰাগী দুপৰীয়া কিয় ?
কিয় এই জাৰুৱালী পছোৱাই সাৰি নিয়া
নাই
বুকুৰ অতলৰ দুখবোৰ ।
বাদ দে চাল্লা
চিগাৰেটৰ ধোৱাবোৰে খন্তেকৰ বাবে
সাজে ঘৰ
আকউ ভাঙে
আকউ সাজে , আকউ ভাঙে
কিমাননো আৰু ক'ম
হাতৰ প্লেটত থকা চাহ কাপো ঠাণ্ডা হৈ
পৰে ।
ভাবনাৰ সাগৰত সাতুৰি থাকো মইi
কিমাননো আৰু ভাবিম
ভাবি ভাবি মই নিজকে পাহৰো
আকউ আৰম্ভ কৰো
ক'তনো হেৰাই জানো ?
,,,,, ✍ৰাহুল দাস